利古朗結束半季紅魔生涯　下一站多蒙特

今夏由熱刺外借到曼聯嘅西班牙後衞利古朗，冬窗重開即被提前中止外借條款，重投熱刺，據報利古朗下半季將被再度外借，下一站可能係多蒙特，再同查頓辛祖做隊友。

曼聯同熱刺共同宣布，利古朗提前結束外借。上半季呢位27歲左閘為曼聯上陣12場，援解咗因勞基梳爾受傷而出現嘅後防壓力，如今勞基梳爾已復出，杜維爾馬拉西亞亦即將傷愈歸隊，曼聯決定觸發中止借用條款，提前解約。

據報道，利古朗重返熱刺後不會留效，將會再度外借，多蒙特對佢有興趣，有可能提出借用，剛巧查頓辛祖亦會外借到多蒙特，到時兩位曼聯兵可能在多蒙特重聚。